ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ តំណាងដ៏ខ្ពង់ខ្ពស់ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអញ្ជេីញត្រួតពិនិត្យដំណើរការស្រង់ និងបូកសរុបពិន្ទុប្រឡងបញ្ចប់ការសិក្សា របស់សិស្សក្រឡាបញ្ជីវគ្គពិសេស ជំនាន់ទី៤ នៅបណ្ឌិត្យសភាភូមិន្ទយុត្តិធម៌កម្ពុជា
ភ្នំពេញ៖ នៅរសៀលថ្ងៃពុធ ៤កើត ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៨ នៅបណ្ឌិត្យសភាភូមិន្ទយុត្តិធម៌កម្ពុជា ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ តំណាងដ៏ខ្ពង់ខ្ពស់ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអញ្ជេីញត្រួតពិនិត្យដំណើរការស្រង់ និងបូកសរុបពិន្ទុប្រឡងបញ្ចប់ការសិក្សា របស់សិស្សក្រឡាបញ្ជីវគ្គពិសេស ជំនាន់ទី៤ចំនួន ៦៨រូប (ស្រី ២៣រូប) ដែលបានទទួលការបណ្តុះបណ្តាលទាំងវគ្គសិក្ខាគារិកភាពរយៈពេល៦ខែ នៅបណ្ឌិត្យសភាភូមិន្ទយុត្តិធម៌កម្ពុជា និងវគ្គកម្មសិក្សារយៈពេល៦ខែ នៅតាមសាលាឧទ្ធរណ៍តំបន់ទាំង៤៕ អរគុណសន្តិភាព
